+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Теннис: Бублик Санкт-Петербург турнирінің ширек финалына шыға алмады

2020 жылғы 16 қазан 02:20
Бөлісіңіз:
Теннис: Бублик Санкт-Петербург турнирінің ширек финалына шыға алмады

НҰР-СҰЛТАН. ҚазАқпарат – Қазақстанның бірінші, әлемнің 52-ракеткасы Александр Бублик Санкт-Петербург ATP 500 турнирінің ширек финалына шыға алмады, деп хабарлайды ҚазАқпарат тілшісі.

Ұқсас жаңалықтар
Теннис: Бублик жұптық сында Санкт-Петербург турнирінің финалына шыға алмады Теннис: Скатов пен Құламбаева Мысырдағы турнирдің жартылай финалына шықты Теннис: Дмитрий Попко Лиссабон турнирінің ширек финалына шықты

А.Бублик екінші айналымда канадалық, әлемнің 21-інші, осы доданың 6-ракеткасы Милош Раоничпен кездесті.

Қазақстандық теннисші 23-те болса, тәжірибелі қарсыласы 29-да еді. Бұл олардың өзара алғашқы бәсекесі еді. Кезінде әлемдік рейтингте 3-орынға дейін көтерілген канадалық спортшы ATP додаларында сегіз мәрте жеңімпаз атанған болатын. Соның ішінде 2015 жылы Санкт-Петербургте үздік шыққан-ды. 2016 жылы Уимблдон турнирінің финалисі болғаны тағы бар.

М.Раонич матчты сәтті бастап, 3:0 есебімен алға шықты. Бұдан кейін А.Бублик бірнеше брейк-пойнтын пайдалана алмады. Ал канадалық теннисші бесінші сетболын мүлт жібермеді – 6:3.

Раонич екінші партияны да брейкпен бастады – 1:0. Тағы бір брейк – 4:1. Сосын өз геймін де алып, 5:1-ге жеткізді. Ақыры матчты жеңіспен түйіндей білді – 6:2.

Бәсеке 1 сағат 6 минутқа созылды.

Кездесу барысында Бублик жиірек қателесті, эйсі де көп бола қойған жоқ.

М.Раонич жартылай финалға шығу үшін әлемнің 17-інші, осы доданың 4-ракеткасы, ресейлік Карен Хачановпен таласады. Ол ширек финалда тартысты бәсекеде отандасы Аслан Карацевті 4:6, 7:5, 6:3 есебімен ұтты.

Еске сала кетейік, бұдан бұрын А.Бубликтің жұптық сында Санкт-Петербург турнирінің жартылай финалына шыққанын, ал Д.Попконың Лиссабонда ширек финалға өткенін жазған болатынбыз.

А.Бублик америкалық Рейлли Опелкамен бірге жұптық сында финалға шығу үшін бразилиялық Марсело Демолинер мен Нидерланды өкілі Матве Мидделкоппен шеберлік байқасады.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT