+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Теннис: Бублик Рим мастерс турнирінің екінші айналымына шыға алмады

2021 жылғы 11 мамыр 00:20
Бөлісіңіз:
Теннис: Бублик Рим мастерс турнирінің екінші айналымына шыға алмады

НҰР-СҰЛТАН. ҚазАқпарат – Қазақстанның бірінші, әлемнің 40-ракеткасы Александр Бублик Рим мастерс турнирінің екінші айналымына шыға алмады, деп хабарлайды ҚазАқпарат тілшісі.

Ұқсас жаңалықтар
Теннис: Анна Данилина Дубайдағы  жарыстың жеңімпазы атанды «Сарыарқа» хоккей клубының бас бапкері ауысты Теннистен Дэвис кубогы: Қазақстан құрамасы Швецияны жеңді

А.Бублик алғашқы айналымда әлемнің 43-ракеткасы, 2014 жылғы US Open турнирінің жеңімпазы, хорватиялық Марин Чиличпен кездесті.

Өткен жылы осы доданың бірінші айналымында А.Бублик қарсыласына 7:6, 2:6, 4:6 есебімен есе жіберген болатын. 2020 жылы Римде әлемнің 1-ракеткасы, сербиялық Новак Джокович чемпион атанған еді.

Бірінші партияда барынша жинақы ойнаған қазақстандық теннисші есеп 2:2 болған мезетте брейк жасай білді. Содан кейін сетке доп бергенде, мүмкіндігін мүлт жіберген жоқ - 6:4.

Екінші сетте есеп 3:2 болған кезде А.Бубликтің қателігінен кейін хорватиялық спортшы брейк жасап кетті – 4:2. Содан кейін тағы бір брейкпен бітірді – 6:2.

Үшінші, шешуші сәтте А.Бублик алдымен брейк-пойнтын пайдалана алмаса, М.Чилич ойын тізгінін уысынан шығарған жоқ – 3:1. Ақыры матчты эйспен тәмамдады – 6:3.

Бәсеке 1 сағат 44 минутқа созылды.

Осылайша А.Бублик Римде биыл да М.Чиличтен айласын асыра алмады.

М.Чилич жүлде қоры 2,5 млн АҚШ долларынан асатын жарыстың екінші айналымында әлемнің 5-ракеткасы, грекиялық Стефанос Циципаспен кортқа шығады.

Еске сала кетейік, бұдан бұрын қазақстандық теннисшілердің Рим турниріндегі қарсыластары анықталғанын, Александр Бубликтің әлемдегі үздік 40 теннисшінің қатарына кіргенін жазған болатынбыз.

Әйелдер арасындағы осы жарыста Ю.Путинцева аса тартысты матчта жеңіліп қалды.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT