Теннис: Андрей Голубев жұптық сында Санкт-Петербург турнирінің ширек финалына шықты

None
None
НҰР-СҰЛТАН. ҚазАқпарат – Қазақстандық Андрей Голубев жұптық сында Санкт-Петербург ATP 250 турнирінің ширек финалына шықты, деп хабарлайды ҚазАқпарат тілшісі.

Жарыстың 4-ракеткасы болып тіркелген А.Голубев монаколық Хьюго Ниспен бірге бастапқы кездесуін тағы бір қазақстандық Александр Бублик – Беларусь өкілі Илья Ивашкамен өткізді.

Қазақстандық-монаколық жұп бір сағатқа жетпеген матчта 6:3, 6:1 есебімен жеңіске жетті. Олар бәсеке барысында 3 эйс жасап, 6 брейк-пойнттың төртеуін пайдаланды. Қарсыластары 1 эйстен аса алмады.

А.Голубев пен Х.Нистің ширек финалдағы қарсыластары кейін анықталады.

Еске сала кетейік, бұдан бұрын Зарина Диястың әлемдік рейтингте үздік жүздікке қайта оралғанын, Александр Бубликтің Санкт-Петербург турнирін жеңіспен бастағанын жазған болатынбыз.

Сондай-ақ Дэвис кубогы финалына қатысатын Қазақстан құрамасы анықталды.

Соңғы жаңалықтар