USD 436.29 EUR 492.83
RUB 5.92 CNY 68.48
Jańalyqtar

Теннис: Александр Бублик Санкт-Петербург турнирін жеңіспен бастады

2021 жылғы 26 қазан 00:33
Бөлісіңіз:
Теннис: Александр Бублик Санкт-Петербург турнирін жеңіспен бастады

НҰР-СҰЛТАН.ҚазАқпарат – Қазақстанның бірінші, әлемнің 34-ракеткасы Александр Бублик Санкт-Петербург ATP 250 турнирін жеңіспен бастады, деп хабарлайды ҚазАқпарат тілшісі.

Ұқсас жаңалықтар
Теннис: Қазақстан Дэвис кубогының жартылай финалына шыға алмады

Жарыстың 7-ракеткасы болып тіркелген А.Бублик бастапқы кездесуін орталық кортта дүниежүзілік рейтингте 304-орында тұрған ресейлік Евгений Тюрневпен өткізді.

Биыл 24 жасқа толған қос теннисші Санкт-Петербург өңірінде өскендіктен, бір-бірін жасөспірім шақтарынан жақсы біледі.

Бірінші партияда қазақстандық теннисші брейкпен алға кетті – 3:1. Сол басымдылығынан айырыла қойған жоқ – 6:3.

Екінші сетте де осы сценарий қайталанды – 3:1. Ақыры матчты жеңіспен түйіндеді – 6:4.

1 сағат 5 минутқа созылған бәсеке барысында Бублик 12 эйс жасап, 3 брейк-пойнттың екеуін пайдаланды. Қарсыласы 4 эйспен шектелді.

А.Бублик ширек финалға шығу үшін әлемнің 53-ракеткасы, германиялық Ян-Леннард Штруфпен таласады. Ол алғашқы айналымда рейтингте өзінен екі саты жоғары тұрған аустралиялық Джеймс Даквортты 7:6 (7:1), 6:3 есебімен тізе бүктірді.

Жүлде қоры 863 мың АҚШ долларынан асатын аталмыш дода 31 қазанда мәреге жетеді.

Тағы бір қазақстандық Дмитрий Попко іріктеу сайыстарының финалында финляндиялық Эмил Руусувуориден 6:7 (2:7), 4:6 есебімен ұтылып, негізгі турнирден тыс қалды.

Еске сала кетейік, бұдан бұрын Жібек Құламбаеваның Қарағандыдағы турнирдің чемпионы атанғанын , Зарина Диястың АҚШ-тағы турнирдің финалында есе жібергенін жазған болатынбыз.

Сондай-ақ Зарина Дияс әлемдік рейтингте үздік жүздікке қайта оралды.






Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT