Теннис: Александр Бублик Дубай турнирінің екінші айналымына шықты
А.Бублик алғашқы айналымда рейтингте 59-орында тұрған жапониялық Есихото Нисиокамен кездеседі.
Бірінші партияда қазақстандық теннисші брейкпен алға шығып, сол басымдылығын сақтап қалды – 6:4.
Тартысты өрбіген екінші сет басында қарсыластар брейкпен алмасты. Ақыры тай-брейкте А.Бублик жеңісті жұлып алды – 7:6 (7:4).
Бәсеке 1 сағат 24 минутқа созылды.
Қазақстандық спортшы бұдан бұрын Сингапур турнирінде де Е.Нисиоканы ұтқан болатын.
А.Бублик екінші айналымда әлемнің 34-інші, осы доданың 16-ракеткасы, италиялық Янник Синнермен шеберлік байқасады.
Жарысқа іріктеу сайыстары арқылы өткен тағы бір қазақстандық Михаил Кукушкиннің қарсыласы анықталды.
Ол әлемнің 37-ракеткасы, германиялық Ян-Леннард Штруффпен күш сынасады.
Жүлде қоры 2 млн АҚШ долларынан асатын турнир 20 наурызда аяқталады.
Еске сала кетейік, бұдан бұрын М.Кукушкиннің негізгі турнирге жолдама алғанын жазған болатынбыз.