20:59, 30 Мамыр 2017 | GMT +6
Теңіз кенішінде ауаға зиянды заттар таралды
АСТАНА.ҚазАқпарат - Теңіз мұнай кенішінде ауаға зиянды заттар таралды, деп хабарлайды ҚР Энергетика министрлігінің баспасөз қызметі.
Атырау облыстық экология департаментінің хабарламасына сәйкес, 30 мамыр күні сағат 10.00-дер шамасында Жылыой аудандық прокуратурасына Теңіздің вахталық кентіндегі құбырлардан шыққан зиянды заттардың атмосфераға тарап жатқандығы жайлы хабарлама келіп түскен. Кен өндіру орнындағы жұмысшылар басқа жерге ауыстырылып, жұмыс уақытша тоқтатылды.