Теңіз кен орнында жарылыстан жарақат алғандардың екеуі ауруханаға жеткізілді
2022 жылғы 6 шілде 16:19

Теңіз кен орнында жарылыстан жарақат алғандардың екеуі ауруханаға жеткізілді

АТЫРАУ. ҚазАқпарат – Теңіз кен орнында жарылыстан жарақат алғандардың екеуі ауруханаға жеткізілді. Оның біреуі облыстық, екіншісі Жылыой аудандық орталық ауруханасында жатыр, деп хабарлайды ҚазАқпарат тілшісі.

Бұдан бұрын Теңіз кен орнында жарылыс болып, екі адам қаза тапқанын жазған едік.

«Теңізшевройл» ЖШС баспасөз қызметінен мәлім еткендей, бүгін, 6 шілдеде «Сенімді құрылыс» ЖШС-нің құрылыс алаңында атмосфералық газы бар құбырда гидросынау жұмысы жүргізілген. Сол кезде қысымға шыдамаған құбырда жарылыс болған.

Жергілікті уақытпен таңертеңгі сағат 9:55 шамасында болған жарылыс салдарынан мердігерлік компания – «Сенімді құрылыс» ЖШС-нің 5 қызметкері зардап шеккен. Оның 3-еуі әртүрлі дене жарақатын алған. Ал, 2 қызметкер қаза тапқан.

«Апат кезінде кен орнында 5 жұмысшы зардап шегіп, оның екеуі қайтыс болды. Біреуі жарылыс болған құрылыс алаңында, екіншісі кен орнындағы «ТШО клиникасы» медициналық мекемесінде көз жұмған. Әртүрлі дене жарақатын алған жұмысшының біреуі «Теңізшевройл» ЖШС-не қарасты ұшақпен Атырау облыстық ауруханасына жеткізілді. Қазір науқасқа дәрігерлер сараптама жүргізіп жатыр. Тағы бір жарақат алған жұмысшы Жылой аудандық ауруанасына түсті. Ол жамбас тұсынан жабық жарақат алған. Оның жағдайы орташа тұрақты. Зардап шеккен үшінші жұмысшыға «ТШО клиникасы» медициналық мекемесінің қызметкерлері психологиялық көмек көрсетіп жатыр», -деп мәлім етті облыстық денсаулық сақтау басқармасының баспасөз қызметінен.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT