Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Теңіз бе, көл ме: Сарапшы Каспийдің құқықтық мәртебесін түсіндірді

2018 жылғы 17 тамыз 14:06 1293
Бөлісіңіз:
Теңіз бе, көл ме: Сарапшы Каспийдің құқықтық мәртебесін түсіндірді

АСТАНА. ҚазАқпарат - ҚР Сыртқы істер министрлігінің Ерекше тапсырмалар жөніндегі елшісі Зүлфия Аманжолова Каспийдің географиялық анықтамасы туралы пікір білдірді деп хабарлайды ҚазАқпарат тілшісі.

Оның айтуынша, «Каспий теңіз бе, көл ме деген пікірталасты теңіз маңындағы елдер 20 жыл бұрын доғарған. Себебі бұл тақырыпта ортақ мәмілеге келе алмаған.

«Біз Каспийдің құқықтық мәртебесін реттеуді талап ететін су қоймасы ретінде бөлуге келістік. Қазақстанның ұстанымы Каспий теңізіне 1982 жылғы теңіз құқығы туралы БҰҰ Конвенциясының ашық теңіздерді бөліп және реттеу ережесін қолдануға негізделген. Ал әзербайжандық тарап Каспий теңізін көл ретінде бөлуді ұсынды. Нәтижесіне назар аударсаңыз, конвенцияда Каспий теңізінің түпкі бөлігі көл қағидаты бойынша, беткі жағы - бірқатар изомериямен теңіз заңының қағидасына сәйкес бөлінеді. Біз mutatis mutandis қағидасын ұстандық яғни Каспий теңізіне қажетті өзгерістері бар қағидаларды қабылдадық. Мәселен, теңіз құқығында аумақтық теңіз үшін 12 теңіз миль белгіленсе, Конвенцияда 15 теңіз милін бекіттік. Яғни, нақты осы мәселеге қатысты ерекше шешім қабылдадық», - деді З. Аманжолова Каспий теңізінің құқықтық мәртебесін реттеу туралы баспасөз мәслихатында.

Еске сала кетсек, 12 тамыз күні Ақтау саммитіне қатысқан бес елдің басшылары Каспийдің құқықтық мәртебесі туралы конвенцияға қол қойды.  

 

 

 

 

Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT