Теңгені еркін айналымға жіберудің арқасында алтын-валюта қорын ұлғайтып алдық - Ақышев
«Ұлттық қордың активтерін (63,1 млрд. АҚШ доллары) қоса алғанда, елдің халықаралық резервтерінің жалпы сомасы 93 млрд. АҚШ долларына жетті. Ал алтын-валюта резервтері бір айда 1,1 пайызға өсіп, ақпанның соңында 29,9 млрд. АҚШ долларына жетті», - деді Ақышев бүгінгі брифингте.
Оның айтуынша, банк теңге бағамын реттеуге араласпағаннан кейін алтын-валюта резервтерін сақтап қалуға мүмкіндік туды. «Ұлттық Банк жарты жыл ішінде валюта нарығында интервенция жасаған жоқ, яғни теңге бағамы нарық талаптарымен айқындалады», - деп атап өтті банк басшысы.
Айта кетейік, бүгін Ұлттық банк төрағасы «наурызда теңге бағамы өзгеруі мүмкін» деген болжамын айтып қалды.
Сондай-ақ халықтың долларды сатып алу көлемі төмендеп келе жатқанын нақты статистикамен дәлелдеп берді.