Теңге мен рубль арасында тікелей айырбас бағамы қалай реттелмек
«Ресей рубліне қатысты айырбастау бағамы теңге мен рубльдің АҚШ долларына қатысты жеке-жеке өзгеруіне тікелей байланысты. АҚШ долларына қатысты теңге мен рубль арқылы есептелген кроссбағамнан ерекшеленетін рубль-теңге бағамын жасанды түрде белгілеу автоматты түрде төрелік және валюта нарығындағы алыпсатарлық шабуылдар үшін жағдай жасайды. Бағамды ұсынылған деңгейде жасанды түрде ұстап тұру алтынвалюта резервтерінің тез таусылуына қауіп төндіреді, бұл елдің макроэкономикалық тұрақтылығын толығымен бұзады», - деді ол Мәжіліс депуаттарының сауалына берген жауабында.
Оның атап өтінше, ұлттық валюта бағамын қандай да бір деңгейде белгілеу қысқа мерзімді шешім болып саналады. Өйткені резервтер таусылғаннан кейін айырбастау бағамы әділ деңгейге қайта оралады. Осыған байланысты ұлттық валюта бағамымен қандай да бір айла-шарғы жасау және рубльмен немесе кез келген басқа валютамен кросс-бағамға ықпал ету мақсатындағы әкімшілік шаралар қажетті нәтижеге алып келмейді.
«Рубль сыртқы нарықтарда өтімді валюта болып табылғандықтан, Қазақстанның компаниялары рубльге Ресей Федерациясындағы тауарларды немесе сыртқы нарықта долларды кедергісіз сатып ала алады. Рубль-теңге бағамының ағымдағы нарықтық деңгейі жергілікті өндірушілер тауарларының бәсекеге қабілеттілігі үшін қолайлы жағдай жасап, 3 ішкі өндірісті дамытуға алғышарттар белгілейтінін атап өткен жөн. Жалпы алғанда, бағамды бағаларға ауыстыру тиімділігін төмендету үшін Үкіметтің экономика салаларын қолдауы және ішкі нарықты отандық өндіріс тауарларымен толықтыруға бағытталған шараларды жүзеге асыруы арқылы елдің импортқа жоғары тәуелділігі проблемасын құрылымдық шешу қажет», - деді Ғалымжан Пірматов.