Теміртауда мемлекетаралық іздеуде болған ресейлік азамат ұсталды

ҚАРАҒАНДЫ. ҚазАқпарат - Қарағанды облысының Теміртау қаласында полицейлер Ресей Федерациясының мемлекетаралық іздеуде болған 29 жастағы азаматы ұсталды, деп хабарлады аймақтық ІІД-нің баспасөз қызметінен.

«Теміртауда криминалдық полицияның қызметкерлері қаладағы пәтерлердің бірінен әділ соттан жасырынып жүрген 29 жастағы ресейлік азаматты ұстады. Новосібір облысында ұрлық жасағаны және кәмелеттік жасқа жетпегендерді қылмыс жасауға тартқаны үшін оған қатысты қылмыстық іс қозғалды», - делінеді хабарламада.

Ұсталған азамат уақытша ұстау абақтысына қамалды. Қазіргі кезде оны Ресейге экстрадициялау мәселесі шешілуде.