USD 434.24 EUR 492.69
RUB 5.67 CNY 68.46
Jańalyqtar

Теміртауда бірден 4 спорттық нысан жұмысын тоқтатады

2017 жылғы 11 мамыр 07:33
Бөлісіңіз:
Теміртауда бірден 4 спорттық нысан жұмысын тоқтатады

ҚАРАҒАНДЫ. ҚазАқпарат - Теміртау әкімдігі бәс-саудаға шығарған төрт спорттық нысанның сатып алушысы табылмады. Осы себепті енді олар жабылуы тиіс, деп хабарлайды ҚазАқпарат.

Аукционға Мұз сарайы, «Металлург» стадионы, «Жастар» жүзу бассейні және спорт кешені шығарылды. Бұлар 2016-2020 жылдарға арналған жекешелендірудің кешенді жоспары аясында бизнеске берілуі тиіс нысандардың тізіміне енген. Әкімдіктің мемлекеттік активтер және сатып алулар бөлімінің басшысы Айгүл Сағатбекованың айтуынша, спорттық нысандарды сатудың үш әрекеті қолға алынған, бірақ сатып алушылар табылмады.

«Бағаны төмендету арқылы бірнеше рет саудаға шығарылған нысандар сатылмаса, олар мемлекеттік мүлік туралы заңға сәйкес жойылуға жатады», - деді А.Сағатбекова.

Жекешелендіру не үшін керек? Мемлекеттің балансында көп нысандардың болуы экономиканың дамуын тежеп, бәсекелестіктің артуына кедергі келтіреді. Бәс-сауда арқылы кәсіпорындарды бизнестің қолына тапсыру экономиканың ахуалын жақсартуға мүмкіндік береді.

Біздің каналымызға жазылыңыз:

Бөлісіңіз:

Автор:

Мира Төлендіқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT