Теміртауда 17 жастағы бозбаланы автобус қағып кетті

ҚАРАҒАНДЫ. ҚазАқпарат - Теміртауда жасөспірімді автобус қағып кетті, деп хабарлайды ҚазАқпарат тілшісі Қарағанды облысы полициясы департаментіне сілтеме жасап.

«11 ақпан күні 59 жастағы ер адам жүргізген жолаушылар автобусы Мир көшесімен Металлург даңғылына қарай бара жатқанда жолды рұқсат етілмеген жерден кесіп өтпек болып жүгірген 17 жастағы жаяу жүргіншіні қағып кетті», - делінген хабарламада.

Оқыс оқиғадан зардап шеккен жасөспірім ауруханаға жеткізілген.

Тиісті сараптамалар белгіленді, олардың нәтижелеріне қарай процестік шешім қабылданады.

Автор: Агата Мұхамеджанова