17:53, 31 Наурыз 2023 | GMT +6
Темірболат Ахажан – Талдықорған қалалық мәслихатының жаңа төрағасы
ТАЛДЫҚОРҒАН. ҚазАқпарат - Талдықорған қалалық мәслихатының төрағасы болып Темірболат Ахажан сайланды, деп хабарлайды ҚазАқпарат тілшісі.
Темірболат Ахажан 1964 жылы 24 мамырда Талдықорған қаласына қарасты Еркін ауылында дүниеге келген.
Білімі жоғары. Инженер-механик және заңгер мамандықтары бойынша білім алған.
«Нұр-Шапағат Құрылыс», «Достық» сынды көптеген жеке серіктестіктер мен корпорация, кәсіпорындарда қызмет атқарған.
2019 жылдан бастап Талдықорған қалалық мәслихатының хатшысы болды.
Темірболат Ахажан - Amanat партиясының мүшесі. Осы партияның атынан сайлауға түсті.
Айта кетейік, Талдықорған қалалық мәслихатына 18 депутат сайланды.
Кеше алғашқы сессиясы өтіп, мәслихат төғарасы лауазымына Темірболат Ахажанды ұсынып, кандидатурасын қолдады.