Технологиялық даму жөніндегі ұлттық агенттігінде гранттар алуға өтінімдер беру жүйесі жеңілдетіледі
«Жалпы алғанда, Технологиялық даму жөніндегі ұлттық агенттікпен 2010 жылы индустрияландыру бағдарламасы іске асыра басталғаннан бері бүкіл ел бойынша 400-ге жуық жоба мен инновациялық әзірлемелер сәйкестендірілді, соның ішінде 507 жобаға нақты, тәжірибелік көмек көрсетілді.
Біздегі жұмыс жыл сайын іске асырылып отырады және жыл сайын процедураларды жеңілдетуге тырысамыз. Егер нақты айтар болсақ, бізде қазіргі уақытта өзгерістер енгізіліп жатыр. Бұған дейін бізге өтінім беру үшін 20-ға жуық түрлі қағаздар мен анықтамалар қажет болған. Бүгінде ол қажетті 7-9 позиция ғана», - деп баяндады Жұматай Сәлімов. Сондай-ақ ол өтінімдерді қарау мерзімдері бойынша атқарылып отырған жұмысты атап өтті. «Қарау мерзімін де қысқартуға тырысып отырмыз. Бүкіл әлемде өтінімдер шамамен үш айдың ішінде қарастырылады, біз екі айға дейін қысқартпақпыз. Мақсатымыз - бізде сапалы жобалардың, қолдау құралдарына иек артатын адамдар санының көп болуы. Екі айдан кейін жаңа ережелер қабылданады, өтінімдер оларға сәйкес беріліп, бізге келген әрбір адам өзгерістерді сезетін болады», - деп түйіндеді Ж.Сәлімов.