Тбилисиде мыңдаған адам тағы да қарсылық шеруіне шықты

ТБИЛИСИ. ҚазАқпарат – Бүгін кешке Грузия астанасы Тбилисиде мыңдаған адам «шетел агенттеріне» қатысты заңға наразылық білдіріп шеруге шықты, деп хабарлайды ҚазАқпарат Новости Грузия сайтына сілтеме жасап.

Көптеген мыңдаған азамат Грузияның парламент ғимараты алдында жиналуда.

Айта кетейік, кеше Тбилисиде «шетел агенттеріне» қатысты заңға наразылық білдіруші топтың әрекеті полициямен қақтығысқа ұласқан. Полиция наразылық білдірушілерге қарсы көзден жас шығаратын газ бен су атқыштарды қолданған.

Грузия телевизиясы көрсеткен бейнекөріністерде наразылық білдірушілер қолдарына Грузия мен Еуроодақтың туын ұстап шыққан.