Тәжікстанда көрме және жәрмеңке ұйымдастыру мамандарын дайындайды

ДУШАНБЕ. ҚазАқпарат - Тәжікстанда жоғары оқу орындарында көрме, жәрмеңке және конгрестік іс-шаралар өткізу және ұйымдастыру негіздері бойынша пән енгізіледі, деп хабарлайды ҚазАқпарат Ховарға сілтеме жасап. 

«Бүкіл әлемде көрме және жәрмеңке ұйымдастыру саласы күн сайын дамып жатыр. Оған негізгі ұйымдастыру жұмыстарын орындайтын білікті мамандар қажет», - деді Тәжікстан сауда-өнеркәсіп палатасының төрағасы Шариф Саид баспасөз мәслихатында.

«Осыған байланысты Үкіметке елдегі үш білім ошағында - Тәжікстан ұлттық университетінде, Тәжікстан мемлекеттік коммерция университетінде және Тәжікстан қаржы-экономика университетінде көрме, жәрмеңке, конгресстік іс-шаралар, бизнес-форумдар, ВхВ, секциялық кездесулер өткізу және ұйымдастыру негіздері бойынша оқу пәндерін енгізуін сұрағанмын. Соның нәтижесінде сәйкес Қаулы алдық», - деп атап өтті ол.

Есептік кезеңде Сауда-өнеркәсіптік палатасы 27 көрме, оның ішінде Душанбеде 20 көрме өткізілген.