Тәжікстан президентінің Ыстықкөлге сапарына байланысты жол қозғалысына уақытша шектеу қойылады

БІШКЕК. ҚазАқпарат – Ыстықкөл облысына Тәжікстан президенті Эмомали Рахмонның келуіне байланысты өңірде көліктердің қозғалысына уақытша шектеу қойылады, деп хабарлайды ҚазАқпарат Қырғыз Республикасы ІІМ ЖҚҚҚББ баспасөз қызметіне сілтеме жасап.

Оның мәліметіне сәйкес, 26-28 шілде аралығында Қырғызстанға жұмыс сапарымен Тәжікстан президенті Эмомали Рахмон келеді.

«Президент кортежінің еш кедергісіз жүріп өтуі және жол қозғалысының қауіпсіздігін қамтамасыз ету үшін Ыстықкөл ауданында жол-патрульдік полиция қызметінің қосымша жасағы қойылады, сондай-ақ, кортеж жүріп өтетін уақытта Тамчы ауылының жолынан Бөстері ауылына дейін көлік қозғалысына уақытша шектеу қойылады» , - делінген хабарламада.

Осыған байланысты Қырғыз Республикасы ІІМ ЖҚҚББ жүргізушілерден түсіністікпен қарауларын және жол қозғалысы ережелерін сақтауларын сұрайды.