+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Таза Қазақстан: Ақтөбеде 1 мыңға жуық құқықбұзушылық анықталды

2020 жылғы 15 тамыз 04:03
Бөлісіңіз:
Таза Қазақстан: Ақтөбеде 1 мыңға жуық құқықбұзушылық анықталды

АҚТӨБЕ. ҚазАқпарат – Ақтөбеде су жағасында өткізілген рейд барысында 1 мыңға жуық құқықбұзушылық анықталды, деп хабарлайды ҚазАқпарат тілшісі.

Елімізде экологиялық ахуалды жақсартуға, халықтың табиғатқа ұқыпты қарауын дамытуға, сондай-ақ азаматтар мен заңды тұлғаларға экологиялық заңнаманы түсіндіру және қоршаған ортаға зиян келтірудің жолын кесуге бағытталған «Таза Қазақстан» республикалық жедел алдын-алу шарасы өтіп жатыр. 25 шілдеден 14 тамызға дейін су жағасында 250-ден астам рейдтік іс-шаралар өткізілді. Барлығы 984 құқықбұзушылық фактісі анықталды. Нәтижесінде 4 қылмыстық және 943 әкімшілік іс қозғалды.

«Жедел алдын-алу іс-шарасы барысында Қылмыстық кодеккстің «Өсімдіктердің немесе жануарлардың сирек кездесетін, жойылып кетуге жақын, сондай-ақ пайдалануға тыйым салынған түрлерін, олардың бөліктерін немесе дериваттарын заңсыз қолдану» бабы бойынша екі қылмыс ашылды. Полиция жалпы су пайдалану ережесін бұзғаны үшін 326 бұзушылық, қоғамдық орындарда спирттік ішімдіктер ішудің 156, абаттандыру ережелерін бұзудың 321 дерегін, сондай-ақ инфрақұрылым нысандарын бұзу, жасыл желектерді жою және сындыру фактісін анықталды», - деді облыстық ПД баспасөз қызметінің жетекшісі Ерболат Сарқұлов.

Еске салсақ, ақтөбелік полиция қызметкерлері киіктерді атып, олардың мүйізін сатумен айналысқан бір топ адамды ұстады. Күдіктілер жойылып бара жатқан жануарлардың 70 басын атып алған. Арнайы қабылданған шаралар нәтижесінде облыстық ПД қызметкерлері бұрын сотталған 4 адамды ұстады.


Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT