Тайваньда F-5E жойғыш ұшағы апатқа ұшырады

ТАЙВАНЬ. ҚазАқпарат – Тайвань әскери-әуе күштерінің F-5E жеңіл оқу- әскери ұшағы бейсенбіде аралдың шығыс жағалауында жаттығу кезінде апатқа ұшырады. Ұшқыш қаза тапты. Бұл туралы Тайвань орталық ақпарат агенттігі мәлім етті, деп хабарлайды ҚазАқпарат.

Апат Тайчжун уезінің жағалауында әуеге көтерілген соң небәрі екі минуттың ішінде болды. Ұшқыш катапульттанып, теңізге құлаған. Оны құтқарушылар ес-түссіз күйінде тапты. Ұшқыш ауруханаға жеткізілді, бірақ дәрігерлер оны ажалдан аман алып қала алмады.