Тайландта Гитлердің суретін салған оқушы Израиль Елшісін алаңдатты

АСТАНА. ҚазАқпарат - Тайландтың Әскери үкіметі мектеп оқушыларына арналған «12 тай құндылығы» деп аталатын үгіт-насихаттық деректі фильмде Адольф Гитлер кездесетін бір эпизодты редакциялап, «қиып» тастайтын болды, деп хабарлады ВВС.

Өйткені, бір мектеп оқушысы осы фильмен кейін Гитлердің свастика алдында қолын созып құрмет көрсетіп тұрған сурет салған. Оны жанындағы сыныптастары қолпаштап, қолдау танытқан.

Бангкоктегі Израиль Елшісі нацистік нышандардың орынсыз пайдаланылғандығына байланысты алаңдаушылық танытып отырғанын хабарлаған.