Таяуда елімізде қай жолдар ақылы болады
«Жолдарға ақылы жүйені енгізу жұмыстары жалғасуда. Бүгінде бірінші ақылы жол жүйесі «Астана-Щучинск» аралығында жұмыс істеп тұр. Сәйкесінше, ол жолды күтіп ұстауға қажетті барлық шыңындарды өтеп келеді және қосымша табысты алып келуде. 2018 жылдың екінші жартыжылдығында «Астана-Теміртау», «Алматы-Қапшағай», «Алматы-Қорғас» учаскелерінде ақылы жүйе іске қосылады», - деді министр сұрақтарға жауап бере отырып.
Жеңіс Қасымбек осыған дейін бұл жұмыстар биылғы бірінші тоқсанда аяқталатыны жоспарда болғанын еске салып өтті.
«Алайда түрлі техникалық жағдайларға байланысты «Алматы-Қорғас» бірінші учаскесін алдағы бір жарым айда іске қосуды жоспарлап отырмыз. Ал қалған екі учаске тамыз және қыркүйек кезінде іске қосылады. Жалпы 2022 жылға қарай ақылы жолдар 7 мың шақырымды құрайды, сондай-ақ осы жүйе арқылы жылына 40 млрд теңге жиналмақ. Бұл өз кезегінде автомобиль жолдарының барша республикалық желісін нормативтік тұрғыда күтіп ұстауға мүмкіндік береді», - деп түйді министр.