Тәуелсіздіктің 30 жылдығына орай амнистия: ҚР ІІМ заң жобасын талқылауға ұсынды

НҰР-СҰЛТАН. ҚазАқпарат – ҚР Ішкі істер министрлігі «Рақымшылық жасау туралы» Қазақстан Республикасының заң жобасын қоғам талқылауына ұсынды, деп хабарлайды ҚазАқпарат.

Ұқсас жаңалықтар

Алматыда Тәуелсіздіктің 30 жылдығын мерекелеуге арналған кеңес өтті

Қазақстан ғалымдарының әрбір 5-ші жарияланымы әлемнің үздік ғылыми журналдарында жарық көреді Тәуелсіздікке 30 жыл: Әлемнің үздік университеттері қатарына қанша қазақстандық білім ордасы кірді Тәуелсіздікке 30 жыл: Ғылым саласында қандай өзгерістер болды

Мемлекет басшысының тапсырмасын орындау мақсатында Ішкі істер министрлігі Қазақстан Республикасы Тәуелсіздігінің 30 жылдығына орайластырып, «Рақымшылық туралы» заң жобасын әзірледі.

Заң жобасында қылмыстық жауаптылықтан босатылуға және жазаны өтеу мерзімдерін қысқартуға жататын сотталғандардың санаттарын айқындалған.

«Рақымшылық азаматтардың әлеуметтік осал топтарына және азаматтар мен мемлекеттің қауіпсіздігіне елеулі қатер төндірмейтін қылмыс жасаған, келтірілген залалды өтеген адамдарға қатысты болады», - деді ҚР ІІМ-нен.

Жоба «Ашық НҚА» интернет-порталының «Құқықтық көмек» бөлімінде орналасқан. Оны талқылау биылғы 5 наурызға дейін жалғасады.

Еске салайық, былтырғы 29 қазанда Ішкі істер министрлігінің кеңейтілген алқа мәжілісіне қатысқан Президент Қасым-Жомарт Тоқаев Қазақстан Тәуелсіздігінің 30 жылдығына орай, азаматтарға және жалпы мемлекетке қауіп келтірмейтін қылмыс жасаған адамдарға амнистия жасалатынын жеткізді.