+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Тау-кен саласындағы беделді «Алтын Гефест» байқауының жеңімпаздары марапатталды

2021 жылғы 24 қазан 03:15
Бөлісіңіз:
Тау-кен саласындағы беделді «Алтын Гефест» байқауының жеңімпаздары марапатталды

ЖЕЗҚАЗҒАН. ҚазАқпарат – Нұр-Сұлтанда тау-кен саласындағы беделді «Алтын Гефест» байқауының жеңімпаздары марапатталды. Марапаттар Astana Mining & Metallurgy – AMM 2021 11-ші Халықаралық тау-кен металлургиялық конгресінде тапсырылды. Қарағанды облысының тұрғыны Нұржан Қойшыбеков «Жыл металлургі» номинациясында үздік деп танылды.

«Алтын Гефест» иесі Жезқазғанда «Қазақмыс корпорациясы» ЖШС құю -механикалық зауытында жұмыс істейді. Нұржан Қойшыбеков 35 жаста, ол көпбалалы әке, әйелімен алты баланы тәрбиелеп отыр. Өндіріске Қарағанды мемлекеттік техникалық университетін бітірген соң келді. Ол қызметінде слесарлықтан бас металлургке өсті.

Нұржан Қойшыбеков Жезқазған құю -механикалық зауытында 12-ші жыл жұмыс істейді. Ол балқыту шебері, технолог болды. 28 жасында кәсіпорынның бас металлургі атанды. Бүгінде ол металлургиялық өндірістің технологиялық дайындығының барлық процестеріне жауап береді. Түркияның ірі зауыттарының бірінде тәжірибеден өтті.

«Әрине, жауапкершілік үлкен. Әріптестердің сенімін ақтау, кәсіби маман екенімді мойындату үшін уақыт пен тәжірибе қажет болды», – дейді Нұржан Қойшыбеков.

Дәстүрлі «Алтын Гефест» байқауы 2009 жылдан бері өткізіліп келеді. Бұл марапат ең беделділердің бірі болып саналады және мамандар мен жас мамандар үшін маңызды.


Біздің каналымызға жазылыңыз:

Бөлісіңіз:

Автор:

Агата Мухамеджанова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT