+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Тау-кен металлургия саласында қосылған құны жоғары өнім өндірісіне баса назар аудару қажет

2021 жылғы 20 қазан 12:22
Бөлісіңіз:
Тау-кен металлургия саласында қосылған құны жоғары өнім өндірісіне баса назар аудару қажет

НҰР-СҰЛТАН. ҚазАқпарат – Тау-кен металлургия саласында қосылған құны жоғары өнім өндірісіне баса назар аудару қажет. Бұл туралы ҚР Индустрия және инфрақұрылымдық даму вице-министрі Әділбек Сәрсембаев айтты, деп хабарлайды ҚазАқпарат тілшісі.

«Қосылған құны жоғары өнім өндірісіне баса назар аудара отырып, еліміздің тау-кен металлургия саласына трансұлттық компанияларды тарту - бұл бағыттағы негізгі міндет болуы тиіс. Бұл қадам ел ішінде металдарды қайта өңдеу деңгейін арттыруға мүмкіндік береді», - деді вице-министр елордада өтіп жатқан Astana Mining & Metallurgy 11-ші тау-кен металлургиялық конгресі барысында.

Сонымен қатар ол ресурс және энергия үнемдеу саясатын енгізу, еліміздің көміртегі бейтараптығын қамтамасыз ету маңызды аспекті саналатындығын атап өтті.

«Келешек ұрпақ үшін қатты пайдалы қазбаларды сақтау мақсатында бүгінде энергетикалық шығындарды барынша төмендете отырып, пайдалы шикізаттарды толықтай өндіруге бағытталған жаңа технологияларды қолдану қажет. Қоршаған ортаны қорғау және сақтау өнеркәсіптік экономиканың болашақта тұрақты дамуы үшін маңызды алғышарт саналады. Бұл үшін қазірден бастап-ақ экномикалық өсім мен жасыл экономика саясатын жүзеге асыру арасындағы теңгерімге қол жеткізу керек», - деді Әділбек Сәрсембаев.


Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT