+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Ташкенттегі халықаралық фестивальге 50-ден астам әлемдік киножұлдыз қатысады

2021 жылғы 27 қыркүйек 19:56
Бөлісіңіз:
Ташкенттегі халықаралық фестивальге 50-ден астам әлемдік киножұлдыз қатысады

ТАШКЕНТ. ҚазАқпарат – «Жібек жолының інжу-маржаны» атты Ташкенттегі халықаралық кинофестивальге 50-ден астам әлем жұлдызы қатысады, деп хабарлайды ҚазАқпараттың меншікті тілшісі.

Ұйымдастырушылар 28 қыркүйектен 3 қазанға дейін өтетін кинофестивальге құрметті қонақ болатын жұлдыздардың атын жасырын ұстап, олардың есімдерін тек баспасөз мәслихатында айтты. Танымал қонақтар арасында Люк Бессон, Стивен Сигал, Митхун Чакраборти, Никита Михалков, Олег Тактаров, Франко Неро, Жерар Депардье, Тимур Бекмамбетов, түрік сериалдарының жұлдыздары мен тағы басқалар бар.

Сондай-ақ, баспасөз мәслихаты барысында «Әлемдік кино күндері» бағдарламасы аясында ұсынылатын фильмдер туралы видеороликтер көрсетілді.

Еске салайық, Азия, Африка және Латын Америкасы елдерінің халықаралық кинофестивалі деп те аталатын Ташкент халықаралық кинофестивалі Өзбекстан астанасында 1968-1997 жылдары дәстүрлі түрде өтіп тұрды.

«Жібек жолының інжу-маржаны» атты кинофестиваль 2021 жылы Өзбекстан президенті Шавкат Мирзиёевтің бастамасымен қайта ұйымдастырылып, енді жыл сайын өтеді.

Кинофестивальді Өзбекстан кинематография агенттігі ұйымдастырып отыр.


Біздің каналымызға жазылыңыз:

Бөлісіңіз:

Автор:

Ақбөпе Әбдрасул

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT