Ташкент қаласының мэрі қысқа дайындықты нашар жүргізгені үшін жұмыстан қуылды

ТАШКЕНТ. ҚазАқпарат – ӨзА - Өзбекстан Президенті Шавкат Мирзияевтің қатысуымен энергия ресурстарымен қамтамасыз ету жөнінде кеңес өтті. Бұл туралы ҚазАқпарат ӨзА сілтеме жасап хабарлайды.

«Мені суықтан қиындық көріп жатқан әр отбасының, әрбір адамның көңіл-күйі мен сезімі қатты алаңдатуда», - деді Өзбекстан президенті.

Жиында Ташкент қаласының барлық деңгейдегі басшылары қазіргі жағдайға дайын еместігі үшін қатаң сынға алынды.

Ташкент қаласының Бас жоспары әлі бекітілмегендіктен, рұқсатсыз салынған нысандардың саны 250-ден асып кеткені, құрылысқа рұқсат берілгенде қолданыстағы инфрақұрылымға түсетін салмақтың нақты есебінің жүргізілмеуі, бағаның өсуіне жол бермеу шараларының қабылданбауы елорда билігіне үзілді-кесілді қарсылық білдірді.

Сондықтан Ташкент қаласының мэрі Ж.Артыкхуджаев жағдайды алдын ала бағалап, қыс маусымына дайындықтың жеткіліксіздігі себепті қызметінен босатылды.

«Юнусабад», «Мырза Улугбек», «Учтепа» аудандарының әкімдері де қызметтерінен босатылып, әкімдердің міндетін атқарушы қызметіне төмендетілді. Мемлекеттік қауіпсіздік қызметі мен Бас прокуратураға олардың қызметін зерделеу тапсырылды.

Бұдан бөлек «Жылу электр станциялары» акционерлік қоғамының төрағасы Ф.Абдурахманов қызметінен босатылды.

Ташкент қаласы әкімінің бірінші орынбасары Б.Рахманов Ташкент қаласы әкімінің міндетін атқарушы болып, Бас прокурордың орынбасары Э.Юлдашев қала прокуроры болып тағайындалды.

Айта кетсек, Ташкентте соңғы 50 жылдағы ең суық температура тіркелді. Сонымен қатар елдегі суық ауа райына байланысты халықаралық бағыттар бойынша тұрақты автобус қатынасы уақытша тоқтатылды.

Фото: uza.uz