Валюта бағамдары:
    usd/kzt 422.01 eur/kzt 452.06

    rub/kzt 6.75 cny/kzt 62.72
Ауа райы:
Нұр-Сұлтан: 1 °С
Алматы: 15 °С

Тәртіпсіздіктен зардап шеккен 45 мемлекеттік ғимарат жөндеуден өтеді

2022 жылғы 22 қаңтар 16:21

НҰР-СҰЛТАН. ҚазАқпарат - Тәртіпсіздіктер кезінде залал келген мемлекеттік органдардың 15 ғимаратына күрделі жөндеу қажет, деп хабарлайды ҚазАқпарат.

Бұл жайында ҚР Индустрия және инфрақұрылымдық даму министрлігі мәлімет таратты.

Оған сәйкес ҚР Президентінің Алматыдағы резиденциясын ҚР Президентінің Іс басқармасы қалпына келтіреді.

ҚР Премьер-Министрі Әлихан Смайылов өткізген селекторлық жиында ҚР Индустрия және инфрақұрылымдық даму министрі Қайырбек Өскенбаев еліміздің 8 өңіріндегі тәртіпсіздік кезінде бірқатар ғимараттар, оның ішінде мемлекетке тиесілі 45 ғимарат зардап шеккенін хабарлады.

«ҚР Президентінің Іс басқармасы жоспарлы түрде қалпына келтіретін Президенттің Алматыдағы резиденциясын қоспағанда, қазіргі уақытта барлық мемлекеттік нысандар бойынша техникалық тексеру жүргізілді. 45 мемлекеттік нысанның 15-і күрделі жөндеу мен қайта жаңартуды, қалған 30 ғимарат ағымдағы жөндеуді қажет етеді», - деді ҚР ИИДМ басшысы.

Министрдің айтуынша, бүгінгі таңда 4 нысанда қалпына келтіру жұмыстары аяқталды.

Қалғандары бойынша сметалық және жобалық-сметалық құжаттамалар әзірленеді.


Автор:

Жанат Қапалбаева

Новости по теме