+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Тараздағы оқушы қызды зорлау оқиғасы мектеп әжетханасында болған

2019 жылғы 19 қараша 01:45
Бөлісіңіз:
Тараздағы оқушы қызды зорлау оқиғасы мектеп әжетханасында болған

ТАРАЗ. ҚазАқпарат – Таразда оқуышысы зорланған білім ошағының басшылары қызметінен кетті, - деп хабарлайды ҚазАқпарат тілшісі.

Ұқсас жаңалықтар
«Түркістанда жерленген хандар мен сұлтандар» кітабы таныстырылды 2020 жылы ғылым саласын қаржыландыру көлемі екі есеге артады – министр Шымкентте алдағы жылы 1045 дәрігер білімін жетілдіреді

Бұған дейін хабарлағанымыздай, Тараздағы кәмелетке толмаған қыз балаға азғындық әрекет жасаған 38 жастағы күдікті қолға түсіп , сотқа дейінгі тергеп-тексеру амалдары басталған болатын.

Кейіннен анықталғандай кәмелетке толмаған қыз облыс орталығындағы №6 мектептің оқушысы болып шықты. Оқиға өткен жұма күні болған. Күдікті азғындық әрекетін мектептің даладағы әжетханасында жасаған.

Қыз бала география сабағы кезінде сұранып шыққан. Алайда мұғалім оның кеткеніне жарты сағатқа жуық уақыт өтсе де, іздемеген. 38 жастағы күдікті оқушы қызды әжетханадан шыққанда тап беріп, жәбір көрсетіпті. Ал әбден азапталған оқушы өзі келіп, жағдайды сынып жетекшісіне айтып берген. Содан кейін дабыл қағылып, күдікті 2-3 сағатта қолға түскен. Ата-аналар бұл жағдайға тиісті бақылау жасамаған білім мекемесінің басшысын кінәлауда.

«Мектеп ауласына кім көрінген келіп-кетеді. Себебі, мектептің сол қапталында ішке енетін есік бар. Күдікті де сол жолмен келіп, жеткіншекке жәбір көрсеткен. Азғындық жасады деп айыпталған азамат мектептің айналасында емін-еркін жүр. Жұрттың сөзінше, ғимарат ішіндегі дәретхана ұдайы жабық болғандықтан, 7-ші сынып оқушысы сырттағы дәретханаға амалсыз шыққан»,-дейді қала тұрғыны Елмира Асылова.

Жалпы, осы мектепте жалпы саны 20 камера жұмыс істеп тұрғанымен, оларды бақылап отыруы тиісті вахтер де, инспектор да оқиға болған сәтте жұмыс орнында болмаған. Енді өз ісіне немқұрайлы қарағаны үшін мектеп басшылары мен жауапты қызметкерлер жұмыстан шығарылып жатыр.

«Жұмыс істеп тұрған камераларға ешкім назар аудармаған. Мектеп директорының орынбасары мен пән мұғалімі және вахтер қызметінен кетті. Оқу орны инспекторы да жұмыстан шеттетілді. Мектеп директоры да жазаланатын болады. Осындай шешімді қабылдауға олардың өз ісіне немқұрайды қарауы себеп»,-дейді облыстық білім басқармасының басшысы Рахия Тұрмағанбетова.

Қазір қылмыстық іс қозғалып, тергеу амалдары жүргізілуде. 38 жастағы күдікті бұған дейін ұрлық жасап істі болған. Ол қамауға алынған. Айта кетейік, мектеп инспекторының да салғырттығы үшін басшысына дейін жауапқа тартылады.

Біздің каналымызға жазылыңыз:

Бөлісіңіз:

Автор:

Ғибрат Сембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT