+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

Тараздағы халықаралық турнирде балуандарымыз 17 медаль олжалады

2019 жылғы 19 қараша 20:53
Бөлісіңіз:
Тараздағы халықаралық турнирде балуандарымыз 17 медаль олжалады

ТАРАЗ. ҚазАқпарат –Таразда екі күнге созылған еркін күрестен аса көрнекті мемлекет және қоғам қайраткері Дінмұхамед Қонаевты еске алуға арналған халықаралық турнир мәресіне жетті. Осымен 12-ші рет ұйымдастырылған балуандар бәсекесіне елімізден және шетелдерден үздік спортшылар қатысты, деп хабарлайды ҚазАқпарат тілшісі.

Ұқсас жаңалықтар
Алматыда «Әлем барысы» басталды Алматыда өтетін «Әлем барысы» чемпионатының жүлде қоры 20 млн теңгені құрайды Қазақ күресінен Конфедерация кубогіне жолдама алған командалар анықталды

«Тараз-Арена» спорт кешенінде ересектер арасында өткен жарыстың ашылу салтанатында облыс әкімінің бірінші орынбасары Бекболат Орынбеков сөз сөйлеп, алыс-жақын шет мемлекеттерден және өзге облыстардан келген қонақтарға алғысын білдіріп, қатысушыларға сәттілік тілеген болатын. Турнирдің әр жеңімпазына 4 мың АҚШ долларынан (жеңімпаздың жеке бапкеріне 500 АҚШ доллары), күміс жүлдегерге 2 мың АҚШ доллары, екі қола жүлделерге 500 АҚШ долларынан ақшалай марапат тағайындалды. Турнирдің жалпы жүлде қоры 40 миллион теңге көлемінде болды.

57 килограмм салмақ дәрежесінде моңғолиялық Тумэнбилег Тувшинтулга алтын еншілесе, отандасымыз Адлан Асқаров күміс медальді қанағат тұтты. Бұл салмақта еліміздің намысын қорғаған Еламан Қадырсейіт қола жүлдеге қол жеткізсе, тағы бір қола ресейлік Петр Константиновке бұйырды.Ал, 61 килограмм салмақта ресейлік Александр Богомоев чемпион атанса, оның отандасы Айтал Захаров күмісолжалады. Отандасымыз Расул Қалиев қола жүлдеден көрінсе, тағы бір қоланы ресейлік Динислам Тахтаров қанағат тұтты. Сондай-ақ, 65 килограмм салмақ дәрежесінде отандасымыз Мейіржан Әшіров чемпион атанды. Ол финалда еліміздің тағы бір белгілі балуаны Дәулет Ниязбековтен басым түсті. 70 килограмм салмақта ресейлік Азнаур Таваевқа қарсылас шақ келмеді. 74 килограмда да ресейліктер дес бермеді. Руслан Богатырев алтын, Дарсам Джапаров күміс медальді иеленді. Қос қола отандастарымыз Дархан Есенғали мен Рамазан Жүнтаевтың еншісінде.

79 килограмда отандасымыз Ғалымжан Өсербаев чемпион атанса, 86 килограмда ресейлік Даурен Куруглиевтің бағы жанды. 92 килограмм салмақ дәрежесінде болгариялық Ахмед Магамаев алтын алса, 97 килограмда Беларусь елінің балуаны Александр Гушке тең келер ешкім болмады. Ел намысын қорғаған Думан Бөлтіріков 125 килограмм салмақ дәрежесінде чемпион атанды.

Сонымен, бес салмақта алтын иеленген ресейліктер жалпыкомандалық есепте топ бастаса, үш алтынға қол жеткізген отандастарымыз екінші орыннан көрінді. Жалпы ел командасы 17 жүлде олжалады.

Біздің каналымызға жазылыңыз:

Басты сөздер: Жамбыл облысы, Спорт,
Бөлісіңіз:

Автор:

Ғибрат Сембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT