+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Таразда жол ережесін бұзып, оны интернетте жариялаған жүргізуші ұсталды

2020 жылғы 7 сәуір 11:21
Бөлісіңіз:
Таразда жол ережесін бұзып, оны интернетте жариялаған жүргізуші ұсталды

ТАРАЗ. ҚазАқпарат - Таразда төтенше жағдай режимін және жол қозғалысы ережелерін бұзған жүргізуші жауапкершілікке тартылды, деп хабарлайды Polisia.kz.

Әлеуметтік желілерде жол қозғалысы ережелерін бұзып қана қоймай, ел аумағына енгізілген төтенше жағдай режимін де елемеген «Лада» көлігінің жүргізушісіне қатысты бейнежазба жарияланды. Тараз қаласының көшелерінде шектен шыққан тәртіпсіз әрекеттері бейнеленген белгісіз тұлғаның бейне түсірілімі желіде кең таралып, тәртіп сақшыларының назарынан тыс қалмады.

Бейнежазба бойынша жедел-іздестіру жұмыстарын жүргізген Тараз қаласының полиция басқармасы жол-патрульдік полиция батальонының қызметкерлері «Лада 21703» маркалы автокөлігінің 23 жастағы жүргізушісінің жеке басын анықтап, жауапкершілікке тартты.

Құқық бұзушыға қатысты ҚР Әкімшілік құқық бұзу кодексінің 601-бабының 2-бөлігімен (жол белгілерімен немесе жолдың жүру бөлігінің таңбаларымен белгіленген талаптарды сақтамау), 590-баптың 5-бөлігімен (көлік құралдарын пайдалану ережелерін бұзу, атап айтқанда жүргізушіге шолуды шектейтін заттарды орнату) және 590-баптың 9-бөлігімен (мемлекеттік немесе міндетті техникалық байқаудан өтпеген көлік құралын басқару) әкімшілік хаттама толтырылды.

Жамбыл облысының полиция департаменті жүргізушілерге төтенше жағдай режимі кезінде қозғалысты барынша шектеп, аса қажет болған жағдайда ғана жолға шығуды, сақ болуды ескертеді.

Көлік жүргізушілері жол қозғалысы ережелерін, жол белгілерінің нұсқамаларын қатаң сақтап, көлік құралдарының тұраққа қойылуы мен тоқтауы, пайдалану ережелерін жауапкершілікпен мүлтіксіз орындауы қажет.



Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT