+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Таразда «Ядролық қарусыз әлем құру» форумы өтеді

2016 жылғы 20 қыркүйек 16:48
Бөлісіңіз:
 Таразда «Ядролық қарусыз әлем құру» форумы өтеді

АСТАНА. ҚазАқпарат - Мемлекет басшысының Жарлығымен Семей сынақ полигонының жабылғанына 25 жыл толуына орай 21 қыркүйек күні Тараз мемлекеттік педагогикалық институтында «Ядролық қарусыз әлем құру» форумы өтеді. Бұл туралы аталған оқу орнының Ақпараттық-имидждік қызметі хабарлады.

Ресми деректерге сүйенсек, Семей полигонында 1949-1989 жылдары аралығында 468 мәрте ядролық бомба сынақтан өткізілген. 1953 жылдың 12 тамызында тұңғыш термоядролық құрылғы, 1955 жылы 22 қарашада әлемдегі ең алғашқы сутегі бомбасы да қасиетті Семей топырағында сынақтан өтіп, 1,5 млн-ға жуық халық радиацияның құрбаны болған. Тарих қойнауына кірген кешегі Семей полигонын жабу туралы шешім қабылданғанына биыл 25 жыл. Ширек ғасыр аралығында әлі де болса ядролық қарудың қаупі сейілмеді. Әлемдегі әлеуетті, алпауыт елдер әлі де болса, бұдан түбегейлі бас тартуға қадам баспады. Қазақстан ядролық қарудан азат болған мемлекет ретінде бейбітшілікке үндеп, ядросыз әлем құру саясатын насихаттап келеді. Жамбыл облысындағы жоғары оқу орындары ұжымы мен студенттерінің және үкіметтік емес ұйым өкілдерінің басын қосатын келелі кеңестің де мақсаты осы. Әлемді адамзаттың қас жауы болған қарудан бас тартуға шақыру.

Жиын барысында жалпыпленарлық отырыс өткізу жоспарланған. Онда қатысушылар ядролық қаруды қолдану және сынау құрбандарын еске алып, қарусыздандыру және таратпаудың өзекті мәселелерін қарайды және қауіпсіздікті нығайту жөніндегі ұсыныстар айтылады деп жоспарлануда. Форумның соңында арнайы үндеу қабылданады деп күтілуде.

Үндеуде: «Біз баршаңызды Елбасымыздың баянды бастамасына құлақ түріп, бейбітшілікке төнген ядролық қатерді жоюға, біздің ортақ планетамызды өркендетуге және ессіздіктің нағыз алапатын саналы түрде жете түсінуге шақырамыз!», - делінген.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT