+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Таразда террорлық шабуылдан қаза тапқан ҰҚК қызметкерлеріне ескерткіш қойылды

2021 жылғы 14 шілде 12:02
Бөлісіңіз:
Таразда террорлық шабуылдан қаза тапқан ҰҚК қызметкерлеріне ескерткіш қойылды

ТАРАЗ. ҚазАқпарат – Ұлттық қауіпсіздік органдары қызметкерлерінің кәсіби мерекесіне орай Таразда бейбіт тұрғындарды құтқару жолында өз өмірін құрбан еткен ҰҚКД қызметкерлері Мұхтар Халиев пен Сергей Касьяненкоға арналған ескерткіш-монумент ашылды, деп хабарлайды ҚазАқпарат тілшісі.

Еске сала кетейік, 2011 жылы Тараздағы террорлық шабуыл кезінде қаза тапқандардың арасында ҰҚКД қызметкерлері Мұхтар Халиев пен Сергей Касьяненко да бар болатын.

Олар діни экстремистермен байланысы бар деген күдікке ілінген қылмыскерге сыртқы бақылау жүргізді.

Террорист ізіне түскен жедел-іздестіру басқармасы қызметкерлеріне шабуыл жасап, ажал құштырған еді.

Батырлардың есімі енді ҰҚКД ғимаратының жанындағы скверде орналасқан ескерткіш-монументте мәңгі сақталмақ.

Салтанатты шараға Жамбыл облысының әкімі Бердібек Сапарбаев, облыс прокуроры Нұрғалым Әбдіров, ҰҚКД бастығы Марат Ирменов, полиция департаментінің бастығы Жанат Сүлейменов және қаза тапқан қызметкерлердің жақын туыстары қатысты.

Аймақ басшысы Ұлттық қауіпсіздік комитетінің құрылған күні ашылып отырған батырларға арналған ескерткіш-монументтің айрықша маңыздылығын атап өтті.

«Туған жердегі бейбітшілікті, тұрақтылықты сақтау үшін өз өмірін қиған ҰҚКД қызметкерлері – елі мен халқына шынайы берілген, шексіз адалдықтың үлгісі болып қала бермек. Өскелең жас ұрпақ осындай азаматтардан үлгі алуы тиіс Осы скверді абаттандырғаны үшін ҰҚКД басшылығы мен қызметкерлеріне алғысымды білдіремін», - деді Бердібек Сапарбаев.

Шара барысында қаза тапқан қызметкер Мұхтар Халиевтің әкесі Ермекбай Халиев те сөз алды.

«Аспанымыз әрқашан ашық, еліміз бейбітшілікте өмір сүрсін!» – деген тілегін жеткізді ол.

Бұдан соң қонақтар ҰҚКД ғимаратында өткен ұлттық қауіпсіздік органдары күніне арналған салтанатты шараға қатысты.


Біздің каналымызға жазылыңыз:

Бөлісіңіз:

Автор:

Сая Сембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT