Таразда «Сергек» камералары іске қосылды

None
АСТАНА. ҚазАқпарат – Тестілік сынақтардан кейін Таразда «Сергек» камералары іске қосылды. Бұл туралы Ішкі істер министрлігінің брифингінде белгілі болды, деп хабарлайды ҚазАқпарат тілшісі.

«16 қаңтардан бастап 48 аппараттық-бағдарламалық кешен қаланың жол қауіпсіздігін қамтамасыз етеді. Оның 35-і желілік учаскелерде және 13-і қиылыстарда орналасқан. Жүйе жылдамдық режимінен асып кету, бағдаршамның тыйым салу сигналына өтуін және жол таңбалау желілерінің бұзылуын тіркейді. Тіркеу автоматты режимде жүреді және полиция қызметкері тексергеннен кейін құқық бұзушыға жіберіледі», - деп атап өтті министрліктен.

Ведомство дерегінше, көлік жүргізушілері хаттаманы «erap-public.kgp.kz» және «egov.kz» сайттарынан немесе «Kaspi» мобильді қосымшасындағы «Мемлекеттік қызметтер» бөлімінен көре алады. Егер азамат құқық бұзушылықтармен келіспеген жағдайда, нұсқамада көрсетілген телефон нөміріне қоңырау шалуы қажет.


Соңғы жаңалықтар