Таразда мейрамханаға жақын маңнан ер адамның мәйіті табылды

None
None
ТАРАЗ. ҚазАқпарат – Таразда мейрамхана маңынан ер адамның мәйіті табылды, деп хабарлайды ҚазАқпарат Polisia.kz-ке сілтеме жасап.

30 тамызда сағат 05:15-те Ақбұлақ шағын ауданының тұрғындарының бірі мейрамханаға жақын маңнан 27 жастағы ер адамның мәйітін тауып, бұл туралы полицияға хабарлаған.

Аталған факті бойынша тергеу-жедел тобы жіберілді. Ауыр қылмыстың себебін тергеушілер анықтап жатыр. Қазіргі таңда ҚР ҚК 99-бабы 1-бөлігі «Адам өлтіру» бойынша сотқа дейінгі тергеу жұмыстары басталды.

Полиция қызметкерлері осы қылмысты жасаған 33 жастағы Тараз қаласының тұрғынын анықтады. Қазіргі уақытта күдіктіні ұстау шаралары қарастырылып жатыр. Қажетті сот сараптамасы тағайындалды. Бұл факті Жамбыл облыстық полиция департаменті басшылығының бақылауында.


Соңғы жаңалықтар