+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Таразда мас күйінде автобус айдаған жүргізуші ұсталды

2019 жылғы 18 қазан 14:14
Бөлісіңіз:
Таразда мас күйінде автобус айдаған жүргізуші ұсталды

ТАРАЗ. ҚазАқпарат – Тараз қаласында жолаушылар мінген қоғамдық көлікті басқарып келе жатқан мас жүргізуші анықталды, деп хабарлайды ҚазАқпарат.

17 қазан күні таңғы сағат 8-де жамбылдық полицейлер «Автобус» жедел алдын алу іс-шарасының соңғы күнінде Вокзал маңы көшесінде қоғамдық көліктің техникалық жағдайының сәйкестігін тексеру үшін №40 маршруттық автобусты тоқтатқан.

Жүргізушімен сөйлескен кезде полицейлер мүңкіген алкогольдің иісін сезеді. Алдымен ауру тісінен иіс сезетінін айтып ақталған азамат көп ұзамай кешкісін екі сыра ішкенін мойындады. Бұл туралы облыстық полиция департаментінің баспасөз қызметі хабарлады.

«Жүргізуші медициналық куәландырудан бас тартқан жоқ. Медициналық сараптама мас болу дәрежесін көрсетті. Жүргізушіге қатысты ҚР ӘҚБтК 608-бабының 1-бөлігі бойынша әкімшілік хаттама толтырылды. Енді ол үш жылға көлік жүргізу құқығынан айырылуы мүмкін»,-дейді Тараз қаласы ІІБ патруль полициясы батальоны командирінің орынбасары, полиция капитаны Нұржан Керебаев.

Кейін анықталғандай, ер адам бұған дейін 13 рет жол қозғалысы ережесін бұзғаны үшін әкімшілік жауапкершілікке тартылған. Сонымен қатар, жол-техникалық инспекция бөлімі аталған факті бойынша автобус тиесілі заңды тұлғаға қатысты тексеру жүргізді.

Біздің каналымызға жазылыңыз:

Басты сөздер: Жамбыл облысы, Оқиға, Заң,
Бөлісіңіз:

Автор:

Ғибрат Сембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT