Таразда дзюдодан ел біріншілігі мәресіне жетті

ТАРАЗ. ҚазАқпарат - Таразда дзюдодан жастар арасындағы Қазақстан чемпионаты аяқталды, деп хабарлайды ҚазАқпарат Olympic.kz сайтына сілтеме жасап.

Жарыстың соңғы күнінде аралас командалық сайыстар өтті. Командалық додаға барлығы 15 команда қатысты. Нәтижесінде, Қызылорда облысының құрамасы қарсылас шақ келтірмей, жеңімпаз атанды. ШҚО командасы финалда 4:1 есебімен жеңіліп, күміске ие болды. Ал жарыстың қос қоласын Түркістан облысы мен Атырау облысы бөліп алды.