Таразда дауылды жел көпқабатты үйдің шатырын ұшырды

АСТАНА. ҚазАқпарат -Тараз қаласында көпқабатты тұрғын үйдің шатырын жел ұшырып түсірді, деп хабарлайды ҚазАқпарат ҚР ІІМ Төтенше жағдайлар комитетінің баспасөз қызметіне сілтеме жасап.

«Таразда 24 сәуірде сағат 19.10-да қатты жел (жылдамдығы 25 м/с) салдарынан Сүлейменов көшесіндегі бес қабатты тұрғын үйдің 30 шаршы метр шатыры ұшып түсті (тұрғын үйдің жалпы ауданы 1 мың шаршы метр)», - делінген хабарламада.

Құтқарушылардың айтуынша, оқыс оқиғадан ешкім зардап шекпеген.

Еске сала кетсек, 24-25 сәуір күндері жел жылдамдығы күшейеді деп болжанғандықтан Жамбыл облысының аумағында ескерту жарияланды.