20:30, 24 Сәуір 2020 | GMT +6
Таразда 86 жастағы әжей коронавирусты жеңіп шықты
ТАРАЗ. ҚазАқпарат – Жамбыл облысында коронавирустан сауыққан науқастардың саны артуда, деп хабарлайды ҚазАқпарат облыс әкімдігінің ресми сайтына сілтеме жасап.
24 сәуір күні стационардан екі адам емделіп шықты. Оның бірі - 1985 жылы туған тұрғын. Ол КВИ тасымалдаушысымен байланыста болғаны үшін ауруханаға жатқызылған.
Жуырда қызы Нұр-Сұлтан қаласынан келген Тараз қаласының 1934 жылғы тұрғыны да дертті жеңіп шықты.
Қарт әйел шұғыл емдеу үшін қалалық ауруханаға жеткізілген болатын. Одан КВИ-ға алынған қан талдауы оң нәтиже көрсеткен. Отадан кейін әйел облыстық көпбейінді аурухананың жұқпалы аурулар бөліміне ауыстырылған. Емдеу шараларының нәтижесінде ол дерттен айықты.
Жалпы аймақта коронавирустан 42 адам жазылып кеткен.