Қолданушы баптаулары
Қолданушы баптаулары
+7 (701) 759 90 19 Лента
USD 384.05 EUR 432.79
RUB 5.96 CNY 55.46
Jańalyqtar

Таразда 150-ге жуық көше жөнделеді

2019 жылғы 24 мамыр 05:45 498
Бөлісіңіз:
Таразда 150-ге жуық көше жөнделеді

ТАРАЗ. ҚазАқпарат - Тараз қаласында 29 жоба бойынша ұзындығы 75 шақырымды құрайтын 148 көшеге құны 1,5 миллиард теңге болатын орташа жөндеу жұмыстары жүргізіледі,-деп хабарлайды ҚазАқпарат тілшісі.

Бұл орайда орташа жөндеу жұмыстарымен негізінен талай жылдан бері өзекті мәселеге айналған «Тайвань», «Арай» тұрғын алқаптарының көшелері қамтылмақ. Бұдан бөлек, жергілікті бюджет есебінен 600 миллион теңге қаралып, қаланың көпқабатты тұрғын үйлері орналасқан шағын аудандардағы жол жабындыларына ағымдағы жөндеу жұмыстары атқарылатын болады.
Таразда 150-ге жуық көше жөнделеді 

Жалпы, Тараз қаласы көшелерінің жол жабындыларын қалпына келтіру - өзекті мәселердің бірі десек, бүгінде облыс әкімінің тапсырмасына орай  қаладағы барлық көшелерді түгендеу жұмыстары жүргізілді. Нәтижесінде бұған дейін коммуналдық меншікте ұзындығы 996 шақырымды құрайтын барлығы 576 көше тіркелсе, түгендеу жұмыстары барысында 1531 шақырымды құрайтын 1330 көше анықталған.

«Қаладағы көше жабындыларын реттеу үшін арнайы үш жылдық  Жол картасы бекітілген болатын. Картаға сәйкес, бірінші кезекте әлеуметтік маңызы бар (мектептер, балабақшалар, денсаулық сақтау) нысандар орналасқан және қоғамдық көліктер қатынайтын, инженерлік жүйелермен толығымен қамтылған, көшелер жөнделу көзделуде. Бұл бағытта биыл ағымдағы жөндеу жұмыстарына бюджеттен 100,0 миллион теңгеге бөлініп, 22000 шаршы метрді құрайтын 86 көшені (қоғамдық көлікпен қамтылған) қамту жоспарланған. Бүгінгі таңда оның  8900 шаршы метрінде, яғни 36 көшеде нақты жұмыстар атқарылды.  Қалған жұмыстар ағымдағы жылдың шілде айында аяқталады деп күтілуде»,-делінген облыс әкімі баспасөз қызметінің хабарламасында.

Ол ғана емес, қазіргі таңда шаһардағы «Бурыл А,Б,В» тұрғын үй массивінің 26 шақырымды құрайтын 50 көшесіне шағал тас төсеу жұмыстары басталды. Оның жалпы құны 260 миллион теңгені құрап отыр. Бұл жұмыстарды «Ая сервис» ЖШС-гі жүргізуде. Аталған мәселелер тұрақты бақылауда.

 

 

Біздің каналымызға жазылыңыз:

Басты сөздер: Қоғам, Жамбыл облысы,
Бөлісіңіз:

Автор:

Ғибрат Сембай

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT