+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Тараз соты мектеп дәретханасында оқушыны зорлаған қылмыскерге үкім шығарды

2020 жылғы 24 қаңтар 14:23
Бөлісіңіз:
Тараз соты мектеп дәретханасында оқушыны зорлаған қылмыскерге үкім шығарды

ТАРАЗ. ҚазАқпарат –Жамбыл облыстық қылмыстық істер жөніндегі мамандандырылған ауданаралық сотында мектеп дәретханасында оқушы қызды зорлау қылмысына қатысты 10 күндік сот отырысы аяқталды, деп хабарлайды ҚазАқпарат соттың баспасөз қызметіне сілтемемен.

Еске сала кетсек, былтыр 15 қараша күні Тараз қаласының «102» пультіне жедел жәрдем қызметінен жасөспірім қыздың зорланғаны туралы хабар түседі. Сотқа дейінгі тергеу ҚР ҚК 120-бабының 4-бөлігі және 121-бабының 4-бөлігі бойынша жүргізілді. Көп ұзамай ауыр қылмыс жасады деген күдікпен ер адам ұсталды.

Қылмыс мектептің далада орналасқан дәретханасында жасалған. Күдіктіні ұстауға мектеп аумағындағы камералар көмектескен.

Сот зардап шегушінің жас ерекшелігін ескере отырып жабық режімде өтті. Сот барысында айыпталушы өз кінәсін толық мойындады.

Сотталушы – 38 жастағы Тараз тұрғыны, үйленбеген, бұған дейін осы тектес қылмыс жасағаны үшін сотты болған. Ол ҚР Қылмыстық кодексінің 121-бабы, 4-бөлігі «Кәмелетке толмағанға қатысты сексуалды сипаттағы зорлық-зомбылық» және 120-бабы, 4-бөлігі «Кәмелетке толмағанға қатысты зорлау» бойынша кінәлі деп танылды. Сот жазаларды біріктіре отырып, 25 жылға бас бостандығынан айыру және химиялық кастрация жасау туралы үкім шығарды.

Сонымен қатар, сотталушы жәбірленуші тарапқа 5 миллион теңге көлемінде моральдық шығынды төлеуге міндеттелді.

Облыс әкімі Асқар Мырзахметовтің тапсырмасымен Жамбыл облысының полиция басқармасы мектептердегі оқушылардың қауіпсіздігін қамтамасыз етудегі кемшіліктерді анықтау үшін жұмыс тобын құрды. Құқық қорғау және білім беру бөлімдерінің бірқатар қызметкерлері жазаға тартылды.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT