Қолданушы баптаулары
Қолданушы баптаулары
+7 (701) 759 90 19 Лента
USD 366.43 EUR 420.11
RUB 5.58 CNY 52.87
Жаңалықтар

Тараз қаласы әкімінің жаңа орынбасары тағайындалды

2018 жылғы 14 маусым 14:34 1024
Бөлісіңіз:
Тараз қаласы әкімінің жаңа орынбасары тағайындалды

ТАРАЗ. ҚазАқпарат - Байназаров Сайлауғалы Әбдісалыұлы Тараз қаласы әкімінің жаңа орынбасары болып тағайындалды, деп хабарлайды ҚазАқпарат тілшісі қала әкімдігінің баспасөз қызметіне сілтеме жасап.

52 жастағы Сайлауғалы Байназаров Қазақ политехника институтын «тау-кен инженері-электромеханигі» мамандығы, Қазақ ұлттық аграрлық университетін «экономист-менеджер» және «заңгер» мамандықтары бойынша бітірген.

1984-2001 жылдар аралығында радиобайланыс, білім беру салаларында және коммерциялық ұйымдарда қызмет атқарып, Шымкент қаласы радиожелісінде үшінші разрядтағы электромонтердан Алматы Технология институтының проректорына дейінгі еңбек жолынан өтті.

2001-2017 жылдары Алматы қаласы және Алматы облысы әкімінің аппаратында әкімдіктің бас инспекторы, Алматы қалалық көгалдандыру департаментінің басшысы лауазымдарын атқарды. «Астана ЭКСПО-2017» ҰК» АҚ Құрылыс дирекциясы» филиалының әкімшілік-құқықтық департаментін басқарды.

2017-2018 жылдары Жамбыл облысы әкімі аппаратының инфрақұрылымдарды дамыту бөлімінің басшысы болды.

2018 жылғы мамырдан - «Алматы» Әлеуметтік-кәсіпкерлік корпорациясы» Ұлттық компаниясы» АҚ аппаратының басшысы.

 

 

Біздің каналымызға жазылыңыз:

Бөлісіңіз:
Загрузка...
Сондай-ақ... оқыңыз
Загрузка...
Онлайн қызметкерлер
Редактор
Айдар Оспаналиев
Айдар Оспаналиев
954-059
Мұрағат