+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Танымал журналист әулиеаталық әріптестерімен және студенттермен кездесті

2019 жылғы 2 қараша 05:23
Бөлісіңіз:
Танымал журналист әулиеаталық әріптестерімен және студенттермен кездесті

ТАРАЗ. ҚазАқпарат – Жамбыл облысы әкімдігі ішкі саясат басқармасының ұйымдастыруымен Таразда «Қазақстан» ұлттық телеарнасының бас редакторы, белгілі журналист, Қазақстанның еңбек сіңірген қайраткері Қайнар Олжаймен кездесу өтті, деп хабарлайды ҚазАқпарат тілшісі.

Ұқсас жаңалықтар
Өлсем денем еліме жеткізілсе деймін – соғыс ошақтарынан ақпарат беретін түркиялық тілші

М.Х.Дулати атындағы ТарМУ мәжіліс залында өткен кездесуде белгілі журналист Қайнар Олжай журналистика мамандығының және филология факультетінің студенттерімен жүздесіп, еркін форматта әңгіме-дүкен құрды. Басқосуды облыс әкімдігі ішкі саясат басқармасының басшысы Дауыл Бейсенқұлов ашып, жүргізіп отырды.

Кездесу барысында Қайнар Олжай ұзын-сонар дәріс оқудан гөрі, үзік-үзік ойларымен бөлісуді жөн көргенін айтты.

«Журналист ең алдымен қазақ тілін жетік меңгеруі керек. Қазір көп журналистер тіл білмейді, сауатсыз жазады. Журналист сауатсыз болса, бүкіл халық сауатсыз болады. Өйткені журналист қалай сөйлесе, ауылдағы адам да солай сөйлейді. Осыдан-ақ байқай беріңіздер, ұлттың сауатты болуы ең алдымен журналистің сауатына байланысты. Осыны қаперден шығармаған жөн. Қасапшыға – пышақ, журналиске – сөз керек. Сондықтан сөзді терең меңгерген журналист мықты маман болып қалыптасады», – деді қазақ журналистикасының мэтрі Қ.Олжай.

Құрметті қонақ қатысқан тағы бір игі шара Ш.Уәлиханов атындағы облыстық әмбебап-ғылыми кітапханада өтті. Белгілі журналист, облыстық мәслихаттың депутаты Мейрамбек Төлепберген модераторлық еткен семинарға жергілікті БАҚ өкілдері қатысты. Онда Қайнар Олжай қазіргі журналистикадағы жаңашылдықтарға тоқталып, дәстүрлі журналистика мен блогерлер бәсекесі қызып тұрғанын, журналист білімді болса блогерлерді шаң қаптырып кететінін айтты.

«Мен Қалтай Мұхамеджановтан, Шерхан Мұртазадан, Сейдахмет Бердіқұловтан сабақ алдым. Білгенімді жас журналистерге үйрету – парызым. Ақы алатын және алмайтын нәрсең болады. Ақы алмайтын ол – парызың, ақы алатын – еңбегің. Еңбегім үшін үкіметтен айлық аламын. Ал сол топтағы сабақтарым үшін ақы алмаймын. Ол – менің парызым», – деп ағынан жарылды журналист.

Кездесу барысында қонаққа жергілікті журналистер салмақты сауалдарын жолдап, тұщымды жауап алды. Парасатты пікірін, орамды ойларын ортаға салған қонаққа зор алғысын жеткізді.


Біздің каналымызға жазылыңыз:

Басты сөздер: Жамбыл облысы, БАҚ,
Бөлісіңіз:

Автор:

Ғибрат Сембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT