Танымал эфиопиялық марафоншы Мирус Ифтер өмірден озды
2016 жылғы 28 желтоқсан 20:59

Танымал эфиопиялық марафоншы Мирус Ифтер өмірден озды

АСТАНА. ҚазАқпарат - Танымал эфиопиялық ұзақ қашықтыққа жүгіруші, Мәскеу Олимпиадасының екі мәрте чемпионы Мирус Ифтер 23 желтоқсан күні Канадада 73 жасында өмірден озды.

Оның қайтыс болғанын туыстары хабарлады. Мирус Ифтер тыныс жолдары дертінен шалдыққан.

Мирус Ифтер ХХ ғасырдың көрнекті спортшыларының бірі. Мәскеудегі Олимпиада ойындарында 5 000 метр және 10 000 метр қашықтықта жеңіске жеткен. Мирус Олимпиада-80 жеңіл атлеттік турниріндегі жасы келген қатысушылардың бірі болды - ол кезде 36-да еді. Сондай-ақ, Мирус Ифтер Олимпиада-72-де 10 000 метр қашықтықта қола медаль еншіледі.

Автор:
Тілші

Jańalyqtar

MURAǴAT