Талдықорғанға қарасты Еркін ауылында газ баллоны жарылып, 8 адам зардап шекті

ТАЛДЫҚОРҒАН. ҚазАқпарат - Талдықорғанға қарасты Еркін ауылында газ баллоны жарылып, сегіз адам зардап шекті. Оның үшеуі бала, - деп хабарлайды ҚазАқпарат тілшісі.

Ұқсас жаңалықтар

Алдағы бес жылда Алматы облысында 5 млн 400 мың шаршы метр тұрғын үй салынады

Алматы облысындағы Бесағаш ауылында тұрғын үй кешені өртенді Талдықорғанда мектептер мен гимназияларда қашықтан оқыту 21 қаңтарға дейін ұзартылды

Алматы облыстық баспасөз қызметінің мәліметінше, 26-қараша күні кешкі сағат 20:00 шамасында Алматы облысы Төтенше жағдайлар департаментінің кезекші пультіне Талдықорған қаласының Еркін ауылы, Қазақстан көшесінің бойындағы жеке тұрғын үйлердің бірінде шағын газ баллоны (сыйымдылығы 5 литр) жарылды деген хабарлама келіп түсті.

Жарылыс салдарынан өрт шыққан жоқ. Алайда тұрғын үйдің қабырғалары мен шатыры қирады.

«Жарылыс салдарынан 8 адам, оның ішінде 3 бала зардап шекті. Олардың барлығы медициналық мекемелерге жеткізілді. Алдын-ала болжам бойынша, тұрмыстық газ баллонын жылыту үшін пештің жанына қоюы жарылысқа себеп болған»,- делінген ведомствоның таратқан хабарламасында.

Оқиға орнында Алматы облысы ТЖД 28 қызметкері, 8 техникасы, 8 жедел жәрдем бригадасы, полиция, газ қызметі және жергілікті атқарушы орган өкілдері жұмыс істеді. Сондай-ақ зардап шеккендердің туыстарына психологиялық көмек көрсету үшін Алматы облысы ТЖД-ның екі психолог маманы жұмылдырылды.

Алматы облысы ТЖД азаматтардан газ баллондарын пайдалану және қолдану кезінде сақтық шараларын қатаң сақтауды сұрайды.