USD 435.1 EUR 493.27
RUB 5.69 CNY 68.63
Jańalyqtar

Талдықорғандық іздеу жарияланған жасөспірімді табуға көмектесті

2019 жылғы 11 желтоқсан 19:49
Бөлісіңіз:
Талдықорғандық іздеу жарияланған жасөспірімді табуға көмектесті

АЛМАТЫ. ҚазАқпарат– Талдықорған қаласының тұрғыны полиция іздеу жарияланған баланы аман-есен табуға көмектесті, деп хабарлайды ҚазАқпарат тілшісі.

Ұқсас жаңалықтар
Атырауда жоғалып кеткен 9 жасар бала табылмай жатыр Өскеменде жоғалып кеткен 12 жасар жеткіншек табылды Өскемен полицейлері жоғалып кеткен 9 жасар қызды тапты

Қаратал ауданының полициясына Үштөбе қаласының тұрғыны хабарласып, жергілікті мектептердің бірінде 8-сынып оқитын ұлының түсте белгісіз бағытта шығып, үйіне оралмағанын айтқан. Аудандық және облыстық тәртіп сақшылары жасөспірімнің мекенжайын анықтауға бағытталған кең ауқымды жедел шараларды қабылдады.

«Бүгін іздеу жарияланған жасөспірімді көпқабатты үйдің подъездінен көрген жергілікті тұрғын әлеуметтік желіде көрсетілген нөмірге және полицияға хабарлады. Бала аман-есен табылып, ата-анасына тапсырылды. Жасөспірімді іздеп табуға және оның ата-анасы келгенше балаға қолдау көрсеткен қала тұрғынына полиция тарапынан алғысымызды білдіреміз»,- деп хабарлады ведомствоның баспасөз қызметі.

14 жастағы баланың үйінен кетіп қалуына отбасы мүшелерінің арасындағы түсінбеушілік себеп болған. Сабақ үлгерімі жақсы жасөспірім бұған дейін мұндай оғаш қылық көрсетпеген. Тәртіп сақшылары баланың ата-анасымен түсіндіру жұмыстарын жүргізді.

Алматы облыстық ПД таратқан ақпаратқа сәйкес, тәртіп сақшылары 2019 жылы белгісіз бағытта кетіп, іздеу жарияланған жасөспірімдердің 139-ын тауып, жақындарына аман есен табыстаған.

Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT