Талдықорғандағы аккумулятор зауыты рекордтық өнім шығарды
2016 жылғы 14 желтоқсан 16:40

Талдықорғандағы аккумулятор зауыты рекордтық өнім шығарды

ТАЛДЫҚОРҒАН. ҚазАқпарат - «Қайнар-АКБ» зауыты жыл басынан 1 млн 700 мың аккумулятор батареяларын өндіріп, халыққа ұсынды, деп хабарлайды «Қазақпарат» тілшісі.

Кәсіпорынның мұндай көлемге жетуінің басты себебі зауыт өніміне басқа мемлекеттерден сұраныс артқан. Бүгінде кәсіпорын шығарған аккумуляторлардың 70 пайызы экспортқа шығарылуда.

Қыркүйек айынан бастап зауыт Қытай Халық Республикасының нарығына шықты. Биыл сондай-ақ өндіріс орны еуропалық нарықта батарея сатуға Польшамен келісімге қол қойды. Ал 2017 жылы кәсіпорын Германияда өз өкілдігін ашуды жоспарлап отыр.

Астана қаласында 6 желтоқсанда өткен индустрияландыру күнінде «Қайнар-АКБ» ЖШС «Ұлы дала елі» брендімен марапатталды. Бұл бренд Қазақстандағы ең үздік экспорттаушы компанияларға беріледі. Алдағы уақытта отандық тауар өндірушілер «Ұлы дала елі» атауымен бірігіп, әлем нарығында өз қолтаңбасын қалдырып отырады.

Келер жылы зауыт өндіріс көлемін 2 млн данаға жеткізуді көздеуде.

Jańalyqtar

MURAǴAT