+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Талдықорғанда жүйке ауруына шалдыққан адам ұйықтап жатқан жігітке пышақ салған

2020 жылғы 9 қазан 12:26
Бөлісіңіз:
Талдықорғанда жүйке ауруына шалдыққан адам ұйықтап жатқан жігітке пышақ салған

ТАЛДЫҚОРҒАН. ҚазАқпарат - Талдықорған полицейлері қарақшылық дерегін ізін суытпай ашты, деп хабарлайды ҚазАқпарат тілшісі.

Ұқсас жаңалықтар
Павлодар облысында екі жеңіл көлік соқтығысып, жүргізушілері мерт болды Қазақстанда 23 қараша күні өтетін маңызды шаралар аңдатпасы Австралияда акула шабуылдаған ер адам мерт болды

Алматы облыстық Полиция департаменті баспасөз қызметінің мәліметінше, Талдықорған қаласы полиция басқармасының кезекші бөліміне көпқабатты үйдегі пәтерлердің біріне қарулы шабуыл жасалғаны туралы хабарлама келіп түсті. Аталған дерек ҚР ҚК 192-бабы 3-бөлігі 4-тармағы бойынша тіркелді («Тұрғын, қызметтiк, өндiрiстiк үй-жайға не қоймаға заңсыз кiрумен жасалған қарақшылық»).

Оқиға орнына жеткен Шығыс ҚПБ жедел уәкілдері жәбірленуші мен оның әпкесі көрсеткен белгілерге назар аудара отырып, 3 сағат ішінде күдікті - облыс орталығының 24 жастағы тұрғынын сол маңдағы аулалардың бірінен ұстады. Сотқа дейінгі тергеу амалдары барысында күдіктінің шизофрения диагнозы бойынша есепте тұратындығы анықталды.

Оның ашық есікті пайдаланып, екінші қабаттағы пәтерге кіріп, үстелден ас үй пышағын алғаны және ұйықтап жатқан 24 жастағы тұрғынға бетіне және басына пышақ жарақатын салғаны анықталды. Күдікті көрші бөлмедегі дауысқа жүгіріп шыққан зардап шегушінің әпкесіне тиіспейтіндігін айтып, ұялы телефон мен қуаттағыш құрылғыны алып, оқиға орнынан бой тасалаған.

Заттай дәлелдемелер пышақ, телефон, қуаттағыш құрылғы іске айғақзат ретінде қоса тіркелді. Қоғамға қауіп төндіретін күдіктіні сот қамауға алу түріндегі бұлтартпау шарасын қолдана отырып, оны қоғамнан оқшаулау туралы шешім қабылдады.


Біздің каналымызға жазылыңыз:

Бөлісіңіз:

Автор:

Самал Қабышева

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT