+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Талдықорғанда жас құтқарушылар ант қабылдады

2021 жылғы 19 қазан 22:52
Бөлісіңіз:
Талдықорғанда жас құтқарушылар ант қабылдады

ТАЛДЫҚОРҒАН. ҚазАқпарат - Құтқарушылар күніне орай Талдықорғанда Алматы облыстық төтенше жағдайлар саласына қызметке келген жас мамандар ант қабылдады, деп хабарлайды ҚазАқпарат тілшісі.

15 жас өреннің ішінде өрт сөндіруші, диспетчер, құтқарушы бар. Жалпы өңірдің азаматтық қорғаныс саласында 1 200-ге жуық адам еңбек етеді. Олар апат салдарын жойып, оларды болдырмау үшін еңбек етіп келеді. Айта кетерлігі, соңғы 30 жылда Жетісу өңірінде 3 құтқарушы қызмет бабында қаза тапты.

Салтанатты жиынға келген ардагерлер мен құрылым басшылары ескерткіш тақтаға гүл шоғын қойып, рухтарына тағзым етті. Сондай-ақ облыс орталығындағы көпқабатты үйлердің біріне құтқарушының муралы салынды.

Бес қабатты ғимарат қабырғасында кішкентай қыз баланы өрттен алып шыққан өрт сөндіруші бейнеленген.

«Бұл өзімнің бала кездегі арманым. Ағаларым, туыстарым, жақындарымның барлығы осы салада жұмыс істейді. Мотивация сол жақтан келіп жатыр. Әке-шешем барлығы қолдап, бір жыл бойы еңбек еттім, тырыстым. Қиын жағдай болмасын. Болған жағдайда бірінші болып қолдан келгенше көмектесуге дайынбыз»,- деді жас маман Сымбат Қаппарова.


Біздің каналымызға жазылыңыз:

Бөлісіңіз:

Автор:

Самал Қабышева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT