21:19, 07 Қараша 2022 | GMT +6
Талдықорғанда шетелдік азамат биіктіктен құлап мерт болды
ТАЛДЫҚОРҒАН. ҚазАқпарат – Талдықорғанда шетелдік азамат құрылысы жүріп жатқан нысанның төртінші қабатынан құлап кетті, деп хабарлайды ҚазАқпарат Рolisia.kz-ке сілтеме жасап.
Оқиға 6 қараша күні құрылыс нысандарының бірінде болды.
«24 жастағы жігіттің салынып жатқан ғимараттың 4-ші қабатынан абайсызда құлап кетіп, қаза болғаны анықталды. Марқұм көрші елден еңбек мигранты ретінде келген шетелдік азамат болып шықты.
ҚР Қылмыстық кодексінің 277-бабы (Құрылыс жұмыстарын жүргізу кезінде қауіпсіздік ережелерін бұзу) бойынша сотқа дейінгі тергеу амалдары басталды», - делінген хабарламада.